序 - 單車環台 Simon Tour De Taiwan 2012

「點解會一個人去台灣踩單車環島既？」

哩個係成個trip入面最多人問我既問題
亦都係好多朋友問我既問題

點解呢？其實真係唔知點解bor, 之前亦都冇諗過原因
「係唔係想識返個台灣妹妹呀？」
「係唔係想完成夢想呀？」
「係唔係想減肥呀？」
以上三個原因都係最多人幫我諗既

對唔住, 你地錯左, 以上既通通都唔係

旅程中, 同去完之後我有認真諗過
1. 「放假, 沒事幹, 找一點事幹」
      (哩個係我答台灣朋友既答案)
2. 未試過一個人去旅行, 想試下係咩感覺
3. 想用自己既力量去挑戰同完成一件(自以為)好型,好cool既事
4. 為自己既人生, 留低一件值得回味既事 
     (即係十九幾年後諗起都覺得好正既事)
5. 返左幾年工, 又讀完個master, 搵個機會俾自己停低沉澱下
6. 人生有點迷失, 好似冇左自我,  所以想重新認識自己, 思考往後既人生方向同目標

umum, 都差唔多係咁上下既原因啦